Antón Castro

[Desposis de algúns meses de non saber nada do poeta Gustavo Peaguda, recibo esta fermosa carta, que narra a feliz casualidade de terse atopado cunha mostra de Ramón Acín, o gran intelectual, mestre, político, pintor e escultor oscense. Sen dicirlle nada o poeta Gustavo, que mora en Santiago de Compostela, deixo aquí a súa carta  e o seu poema. E envíolle unha aperta].

Estimado Anton:

Despois de quince días sin ir por Ourense, tiven unha agradable sorpresa. Cando ía camiñando polas ruas vin un cartel no que anunciaba unha exposicion cun titulo fermoso " el volumen inapropiado". Fun a vela. Ali encontrei cas esculturas dun home o que soamente coñecía polos teus escritos. Ese home era Ramon Acin. Que fermosas sobretodo esa feitas chapa de ferro recortada.

De volta a casa recupei este poema meu que tiña gardado:

FUXIDE

 “ Por vostede estabamos agradando, tolo, romántico, lunático”

                                               Antón Tovar

A Antón Castro, o mariñeiro de Aragon

1936

¡Ramon Acin!.

¡Ernesto Gomez del Valle!.

Fuxide,

Fuxide

que  o lobo famento

anda a preguntar por vós.

2005

¡Ramon Acin!.

¡Ernesto Gomez del Valle!.

Fuxide,

Fuxide

que o lobo

disfrazouse de esquecemento.

Unha forte aperta dende Ourense

[Ramón Acín e Conchita Monrás, na súa casa, sentados diante da gaiola coa paxariña dentro].